martes, 13 de diciembre de 2011

Modulo

Iragarkiaren proiektuko azken txanpan gaude. Batzuk estreinaldirako prest eta beste batzuk azken orduko detailetxoekin, baina guztiok azken emaitza ikusteko irrikitan.

Animo guztioi!!!

lunes, 5 de diciembre de 2011

Aurrera goaz!




Atzo, igandea, asko kostatu zitzaigun arren, teknografia bukatu genuen eta musikarekin genituen zailtasunak amaitu ziren, lanari musika jarri baikenion.

Gaurko klasean bi gauza nagusi egin ditugu: gure gelakideen teknografiak ikusi, aztertu eta gurearekin alderatu eta gure txostena aldatu. Gelan sartu orduko besteen teknografiak ikusi ditugu ea nola zeuden egindak eta esan dugun bezala, gurearekin alderatu ditugu: musikaren aldetik, argazki kopuruaren aldetik, testuaren aldetik etab. Ondoren, txostena aldatu dugu, eta, azkenean bukatu egin dugu.

domingo, 4 de diciembre de 2011

Teknografia: IKT-en garai desberdinak

IKT teknografia on PhotoPeach

Egunerokoa

IKT-ko ostiraleko egunean Teknografiaren lanari amaiera ematea adostu genuen. Hasteko, blogean zintzilikatuta genuen teknografiaren gidoiari buruzko zirriborroari heldu eta hainbat gauza berridatzi genituen idatzitako lanari azken forma emanez. Jarraitzeko, teknografiaren filmari ekin genion. Hau egiteak denbora gutxiago emango zigula uste genuen baina idatzizko eszena batzuekin eta musikarekin zailtasunak izan genituen eta IKT-ko ordua amaituta ere han gelditu behar izan ginen lana bukatzen.  Azkenean, eszena horiekin genuen arazoa konpondu genuen, baina musika eszenekin batera programan sartzerakoan, programak ez zigun utzi eta honela bukatu behar izan genuen ostiraleko lana. Horregatik, espero dugu astelehenean IKT-ko klasean irakaslearen laguntzarekin igotzea eta guztiok teknografiaz gozatzea.

viernes, 2 de diciembre de 2011

Teknografia ekoizteko erabilitako osagaiak

TEKNOGRAFIA TXOSTENA

1.Teknografia ekoizteko erabilitako osagaiak:


• Gidoia

Guk egingo dugun teknografiaren bitartez, IKT-ek dakartzaten aldaketak erakutsi nahi ditugu, lehengo, oraingo eta etorkizuneko esperientzia eta jakintzak kontuan hartuz.

Horretarako, istorio moduko bat sortu dugu, non internetetik ateratako argazkien, musikaren eta abarren bitartez, gure bizitzako une desberdinetan IKT-en inguruan izan ditugun jakintza etapa desberdinak azalduko diren.

Hasteko, hasieran hauen inguruko ezagupenik ez genuela islatuko dugu, gure ikasketa garaian ez baitziren gehiegi erabiltzen. Gero, gaur egun tresna hauei buruz dakigunarekin eta irakasgai honetan ikasten ari garenarekin, zein gauza egiteko gai garen azalduko dugu. Eta azkenik, orain gauden puntutik etorkizunean irakasle konpetente izateko IKT-en inguruan zer ikasi beharko genukeen aztertuko dugu.


• Eszenak

Lan honetan 7 eszena erabiliko ditugu, lehenago aipatutakoa adierazteko. Jarraian eszena bakoitza deskribatuko dugu:

- 1.eszena: GARAI ZAHARRAK: Bertan, guk bizitako irakasteko modu “zaharra” agertuko da, hau da, IKT gutxi erabilitakoa edo zenbait kasutan, gabekoa. Hau azaltzeko, IKT-rik erabiltzen ez den ikasgela bat irudikatuko dugu (klarionen arbela, haurrak ordenagailu gabe, eta abar).


- 2.eszena: IKT-EN PRESENTZIA: Eszena honetan, gure gaur egungo geletan ikusi baina erabiltzen ez ditugun hainbat oinarrizko elementu digital azalduko dira, hala nola, ordenagailua edota telebista.


- 3.eszena: TEKNOLOGIAREN GARAPENA: Hemen, teknologia garatzen den heinean ikasgelan zein elementu agertzen diren azalduko dugu.


- 4.eszena: IRAKASLEAK IKASLE: Bertan, irakaslearen kontzientziazioa (IKT-en inguruan egin behar diren aldeketen inguruan) islatuko dugu eta, horretarako, irakasle batek IKT-ei dagokien berrikuntzei buruz izan behar duen ikaste prozesu etengabea azalduko dugu (IKT berrien erabilera, kurtsoetara joanez, liburuetan irakurriz eta abar ikasiz).


- 6.eszena: EZAGUTZAK TRANSMITITU: Amaitzen joateko, irakasleak ikasi duen hori bere haurrekin ikasgelan nola erabiltzen duen ikusiko da, eta baita ikasleak IKT-ekiko nola kontzientziatzen dituen ere.

- 7. Eszena: ETENGABEKO BERRIKUNTZA: Azken eszena honetan islatuko duguna etengabeko berrikuntza izango da, hau da, elementu eta programa berriak sortzen ari diren heinean, irakasleok ere hauen inguruko ikaskuntza jaso behar dugula.

• Baliabide digitalak

Teknografia hau egiteko baliabide digitalak asko izan ez diren arren, hainbat programa erabili ditugu. Oinarrizkoena “Photopeach” izan da, honekin egin baitugu lanaren bizkar hezurra. Honetaz gain, youtube ere erabili dugu behar genituen hainbat elementu lortzeko (musika, argazkiak…). Azkenik argazkiak muntatzeko garaian, paint programa ere erabili dugu, argazkien collage bat egiteko.

Hasiera batean gure ideia argazkiak guk ateratzea zen arren, hauek egiten saiatu ginenean arazoak izan genituenez, internetetik atera behar izan ditugu azkenean.

Aukeratutako argazki sorta, oso anitza da, baina guztiek gauza bat dute amankomunean: IKT en garapenarekin nolabaiteko erlazioa dute.


• Musika

Gure teknografiarentzat egokia iruditu zaigun abestia aukeratzeko asko entzun behar izan ditugun arren, azkenean honakoa iruditu zaigu egokiena:

"In The Jungle Hippo and Dog"
http://www.youtube.com/watch?v=AyWC1_ShTHk

Kantaren luzera teknografiaren berdina ez zenez, programa berezi baten bidez, argazki sorta bukatzean musika ere bukatu zedin, bolumena jaitsi diogu pixkanaka.

Abestia jartzeko orduan arazoak izan ditugu, eta hasiera batean teknografia entregatu zitekeen azken egunerako utzi behar izango genuela pentsatu genuen, irakasleak lagun ziezagun. Baina azkenean asteburuan etxean egitea lortu dugu, eta beraz azken eguna baino lehenago igo dugu.


Gure teknografia gustatzea espero dugu!

miércoles, 30 de noviembre de 2011

Egunerokoa

Atzoko eguna eta gaurkoa teknografiarako musika aurkitu eta egokitzeari eskeini dizkiogu. Atzo kanta asko entzun ondoren gure lanerako egokiena iruditu zitzaigun kantarekin jo genuen. Gaur kanta horrekin aritu gara lanean hasieran motelago jarriaz eta bukaeran azkarrago. Gainera, agian kanta luzatu behar izango dugula pentsatu dugunez, horri buruz ere aritu gara hitz egiten, 2minutu eta 30 segundukoa baita, eta agian motz samar geratzen zaigu jarri nahi ditugun diapositibentzat.
Gaur gainera, lana asko aurreratu dugu ostiraleko klaserako ahal izan dugun gutxiena utziaz (klasean egotea beharrezko zaigulako); jarriko ditugun irudien ordena finkatu dugu eta honekin sortu genuen istorioa osatu dugu.
Esan beharra daukagu zirriborroan genituen eszenak aldatu egin behar izan ditugula, lanerako argazkiak aukeratzerakoan honetara derrigortuak ikusi baikara planteatutako hiru galderei erantzun nahi bagenien: Zein izan da IKTn inguruan izan duzuen esperientzia orain arte?; Une honetan, zer dakigu egiten tresna hauekin?Geletan zer erabiltzeko gai ikusten duzue zuen burua?; Zer beharko genuke ikasi oraindik digital alorrean irakasle konpetenteak izateko?
Eta hau izan da bi egun hauetan egin dugun lana!

martes, 29 de noviembre de 2011

Teknografiari dagokion egunkaria (Astelehena-25)



     Asteleheneko IKT-ko klasea teknografiako lana egiteko erabili genuen. Lana agindu zitzaigunetik eta berau egiteko pautak jaso genituenetik, eginda geneukan ideia bat eta honen nondik norakoa nahiko argi geneukan, baina praktiketatik bueltan ideiak freskatzen hasi eta beste hobeago bat burutatu zaigunez guztia aldatzea pentsatu dugu, orain aukeratutakoa egokiagoa izango dela pentsatuz. Astelehen honetan beraz, lanari ekin genion, gidoia eta eszenak finkatu eta deskribatu genituelarik.

     Behin oinarrizko eszenak zeintzuk ziren jakinda, burutzen ari garen lana originala eta oso gurea izatea nahi dugunez, erabiliko ditugun argazki gehienak guk geuk ateratzea erabaki dugu. 

     Klasea bukatzeko, zirriborroa blogean zintzilikatu eta argazkiak nolakoak izango ziren zehaztu genuen, hurrengo egunerako lana prest utziaz.


    Egunkariko hurrengo sarreran izango duzue gure berri!!Hurren arte!!

lunes, 28 de noviembre de 2011

Teknografia egiteko zirriborroa (prozesuan)

TEKNOGRAFIA

                  1.Teknografia ekoizteko erabilitako osagaiak:

·         Gidoia

Guk egingo dugun teknografiaren bitartez, IKT-ek dakartzaten aldaketak erakutsi nahi ditugu, lehengo, oraingo eta etorkizuneko esperientzia eta jakintzak kontuan hartuz.

Horretarako, istorio moduko bat sortu dugu, non guk ateratako argazkien, musikaren eta abarren bitartez, gure bizitzako une desberdinetan IKT-en inguruan izan ditugun jakintza etapa desberdinak azalduko diren.

Hasteko, hasieran hauen inguruko ezagupenik ez genuela islatuko dugu, gure  ikasketa garaian ez baitziren gehiegi erabiltzen. Gero, gaur egun tresna hauei buruz dakigunarekin eta irakasgai honetan ikasten ari garenarekin, zein gauza egiteko gai garen azalduko dugu. Eta azkenik, orain gauden puntutik etorkizunean irakasle konpetente izateko IKT-en inguruan zer ikasi beharko genukeen aztertuko dugu.


·         Eszenak

Lan honetan X eszena erabiliko ditugu, lehenago aipatutakoa adierazteko. Jarraian eszena bakoitza deskribatuko dugu:

-      1.eszena: GARAI ZAHARRAK: Bertan, guk bizitako irakasteko modu “zaharra” agertuko da, hau da, IKT gutxi erabilitakoa edo zenbait kasutan, gabekoa. Hau azaltzeko, IKT-rik erabiltzen ez den ikasgela bat irudikatuko dugu (klarionen arbela, haurrak ordenagailu gabe, eta abar).

-      2.eszena: GURE GAUR EGUNGO EGOERA: Eszena honetan,  IKT-ak daudela konturatzen garen unea erakutsiko dugu, ikasgelan ikusi (baina ez erabili) ditugun hainbat elementu digital azalduko direlarik.

-      3.eszena: GURE GAUR EGUNGO EGOERA: Hemen, aurreko eszenan erakutsi ditugun elementu digital batzuei gaur egun ematen diegun erabilera erreflexatu  dugu.

-      4.eszena: KONTZIENTZIAZIOA: Bertan, irakasle batek IKT-ei dagokienez izan behar duen aldaketa (kontzientziazioa) islatuko dugu.

-      5.eszena: ETORKIZUNERAKO: Hemen, irakasle batek IKT-ei dagokien berrikuntzei buruz izan behar duen ikaste prozesu etengabea azalduko dugu ( IKT berrien erabilera, kurtsoetara joanez, liburuetan irakurriz etab. Ikasiz).

-      6.eszena: ETORKIZUNERAKO: Azken eszena honetan, irakasleak ikasi duen hori bere haurrekin ikasgelan nola erabiltzen duen ikusiko da, eta baita ikasleei IKT-ekiko nola kontzientziatzen dien. 


ESPERIENTZIA BERRI BATEN OSTEAN...







Ikastetxeko esperientzia eta bereziki, haurrak pena handiz utzi ondoren, berriro ere hemen gara, unibertsitatean, hemendik lauhilekoa bukatu arte geratzen zaizkigun lan guztiei aurre egiteko indar berrituta!

ANIMO GUZTIOI!!

lunes, 10 de octubre de 2011

Gaitasun digitalak

Gaitasun digitalak

Aurkezpena

lunes, 3 de octubre de 2011

Zer konpetentzia landu behar ditugu IKT-n ?

Lehen hezkuntzako irakasleak izango garen aldetik eta kontuan izanda gure etorkizuneko betebeharrak haurrei zenbait eduki transmititzean datzala, guk ere betiko edukiez gain, gaur egungo teknologia berrien inguruan ere gaitasun batzuk barneratu beharko genituzke, haurren aurrean jartzeko unea iristen  zaigunean guk dakiguna beraiei helarazteko.

Ikasgai honi dagozkion gaitasun konkretuekin hasi aurretik, garrantzitsua iruditzen zaigu guk, hau da, irakasle izango garenok, teknologia berrien erabilera egokien eta desegokien berri izatea, hau gure ikasleei transmititzeko.

Gaiarekin jarraituz, gaitasunei dagokienez hiru talde nagusitan banatuko genituzke. Batetik alde teknikoa deituko geniokeena ikusten dugu. Talde honetan teknologia berriei buruzko informazio orokor bat izatea (ordenagailuen atalak, bakoitzaren funtzioak zein diren jakitea,etab), hainbat programen erabilera ezagutzea (oinarrizkoak direnak eurentzako: word, power point... eta ez hain oinarrizkoak direnak: excel, photoshop...).

  Bestetik, hain teknikoa ez den beste alde bat lantzea oso garrantzitsua iruditzen zaigu, informazioarena alegia. Informazio hau bilatzeko modua egokia izatea ezinbestekoa da, aurkitzen dugun informazio hori, bai guretzat eta bai etorkizunean gure ikasle izango direnentzat baliagarria izan dadin. Esan beharra dago "baliagarri" esaten dugunean, ez gaudela beste informazioak gutxiesten, baizik eta guk momentu horretan konkretuki behar dugun informazioa aurkitzen jakin behar dugula modu kritiko eta selektibo batean.

  Azkenik, arlo honek komunikaziorako beta ere eskaintzen digu, baina ongi ezagutu behar ditugula uste dugu; honetarako baliabide asko existitzen diren arren, batzuk beste batzuk baino egokiagoak baitira. Ezagutu eta modu seguru batean erabiltzen jakin beharko genituzkeen baliabideetako batzuk hauek iruditzen zaizkigu: posta elektronikoa, sare sozialak, foroak, blogak, etab.

  Modu orokor batean honela laburbilduko genituzke gure ustez lortu beharko genituzkeen gaitasunak.


                                                                                 Alvaro Bengoa, Lucia Aranzabal eta Ainara Alvarez

viernes, 30 de septiembre de 2011

Ongi etorria

Gaur Blog-a estrenatzen dugu, zailtasunekin baina azkenean lortu dugu.
IKT klasean gaude eta gure gelakide guztiak bere blog-ak sortzen ari dira.



                                                                                                         Alvaro eta Lucía.